Unamkumbuka mwanamuziki Don William?

Don Williams ni mwanamuziki wa muziki wa country aliyezaliwa mwaka 1939 katika Floydada, Texas nchini Marekani. Ni mwimbaji wa nyimbo za Country na mtunzi. Alikulia katika Portland, Texas, na kufuzu masomo yake mwaka  1958 katika shule ya upili ya Gregory-Portland .

 Baada ya miaka saba pamoja na kundi la Pozo-Seco Singers, alianza kuimba pekee yake mwaka  1971, ni mwanamuziki mwenye  sauti yake ya chini na nzito inayowavutia watu. 

Watu hupenda kumuita kwa  jina la utani la "jitu lpole " la muziki wa Country. Nchini Tanzania, muziki wake hupendwa  kupigwa zaidi kwenye maharusi mbalimbali hasa ule muda wa kula chakula kilichoandaliwa kwa ajili ya sherehe.

Hiyo yote ni kwasababu ya jinsi unavyopigwa na kuimbwa kwa taratibu kiasi ambacho huonekana kufaa kusindikiza chakul a na hata usingizi pia. 

Sio tu ni fundi mzuri katika kuimba na utunzi bali pia anapiga gitaa. Kwa watu ambao wamefanikiwa kuona nyimbo zalke katika video watakuwa wameshuhudia vile anavyoimba na kupiga gitaa lake.

Alianza kucheza gitaa akiwa kijana, ambapo alijifunza kutoka kwa mama yake. Wakati akiwa kijana, yeye alicheza na bendi ya Rock n 'roll na folk za muziki wa Country.

Alianzisha bendi yake ya kwanza na Lofton Kline, iitwayo "The Strangers Two", na mwaka wa 1964 alimwajiri Susan Taylor na walianzisha Pozo-Seco Singers, kikundi cha folk pop. 

Bendi ilisaini mkataba na Columbia Records, na kuwa na mlolongo wa nyimbo hamsini. Kundi hili liliisha mwaka wa 1971, ambapo Williams alianza kuimba kibinafsi au peke yake.

Williams alianza kama mtunzi wa nyimbo wa Jack Music Inc Hatimaye, alitia saini na JMI Records kama msanii binafsi. Wimbo wake wa mwaka wa 1974, "We Should Be Together," ulichukua nafasi ya tano, na alitia saini na kampuni ya kurekodi ya ABC / Dot .

 Wimbo wake wa kwanza na ABC / Dot, "I Wouldn't Want to Live If You Didn't Love Me," ulichukua nafasi ya kwanza, na ulikuwa wa kwanza wa msafa wa nyimbo zake kumi za kwanza zilizovuma kati ya mwaka wa 1974 na 1991. Nyimbo Nne tu kati ya 46 hazikufanikiwa kutinga katika kumi bora.

Mwanzoni wa mwaka wa 2006, Williams alitangaza "matembezi yake ya buriani katika ulimwengu" na aliimba nchini Marekani na nje ya nchi, kumalizia matembezi yake na "Buriani ya mwisho" katika Memphis, Tennessee katika kituo cha Cannon cha Waimbaji 21 Novemba mwaka huo.

Kutokana na ziara yake hiyo, mashabiki wake walijitokeza kwa wingi kushuhudia uimbaji wake. Kwa mujibu wa mtandao ni kwamba Williams sasa ni mstaafu na hakuna ziara tena, ingawa husemekana kuna uwezekano wa kuwepo kwa rekodi mpya.

Don alimwoa mwanadada aitwaye Joy Bucher tarehe 10 Aprili, 1960. Wana watoto wawili, Gary na Timm.

Mwaka wa 1978, Don Williams alikuwa "Mwanaume muimbaji wa Mwaka" wa Shirika la muziki wa Country na wimbo wake "Tulsa Time" ilikuwa wimbo wa Mwaka.

 Nyimbo zake zimerekodiwa na wasanii kama vile Johnny Cash, Eric Clapton, Lefty Frizzell, Josh Turner, Sonny James, Alison Krauss, Billy Dean, Charley Kiburi, Kenny Rogers, Alan Jackson, Waylon Jennings na Pete Townshend.  Muziki wake pia ni maarufu kimataifa, ikiwa ni pamoja na Uingereza, Australia na baadhi ya nchi.

Na Novemba mwaka 2011, Don Williams  alipewa tunzo ya heshima ya Gold na Shirika la muziki  la  ASCAP.Ni mwanamuziki bora, mtunzi na mwimbaji ambaye amepata mafanikio makubwa nab ado anaendelea kuheshimika hadi leo duniani ambako kuna wapenzi wake wa muziki wa country.